Stuðlum saman að myndun hringrásarhagkerfis með því að draga úr myndun úrgangs, auka endurvinnslu og hætta að urða úrgang.
Ný lög um stjórnun úrgangsmála á Íslandi taka gildi þann 1. janúar 2023. Markmið lagabreytinganna er að draga úr myndun úrgangs og stuðla að myndun endurvinnslusamfélags hér á landi sem er ein forsenda fyrir því að við færumst í átt að hringrásarhagkerfi. Eitt af lykilatriðunum við að koma á fót öflugu hringrásarhagkerfi hér á landi er að fara að hugsa um úrganginn okkar sem hráefni sem við getum endurunnið aftur og aftur, en ekki efni til urðunar.
Lagabreytingarnar hafa víðtæk áhrif á almenning, sveitarfélög og atvinnulífið í heild sinni og kalla á þátttöku allra aðila við að fylgja breytingunum eftir. Smelltu hér fyrir neðan til að lesa nánar um hvað felst í þessum breytingum.