Frekari útfærslur og leiðbeiningar um gerð svæðisáætlana eru svo settar fram í 5. gr. reglugerðarnr. 803/2023 um meðhöndlun úrgangs.

Umhverfisstofnun hefur eftirlit með að svæðisáætlanir séu gerðar og leggur faglegt mat á efni þeirra. Sveitarfélög skila svæðisáætlunum til Umhverfisstofnunar í gegnum þjónustugátt. Samband íslenskra sveitarfélaga hefur svo haldið utan um útgáfu svæðisáætlana á heimasíðu sinni. Nánari upplýsingar má finna í Handbók um framkvæmd úrgangsstjórnunar og gagnlega tengla má finna í kassanum hér til hliðar.

Þrjár svæðisáætlanir eru í gildi á Íslandi en fleiri eru í smíðum. Að neðan má sjá þær svæðisáætlanir sem eru í gildi og gildistíma þeirra:

• Svæðisáætlun Samlausn (2022-2033) sem gildir fyrir Suður-, Suðvestur- og Vesturland.
• Svæðisáætlun SSNV og SSNE (2023-2036) sem nær yfir allt Norðurland vestra og Norðurland eystra.
• Svæðisáætlun Vestfjarða (2024-2035).